மயிலம் முருகன் கோயிலில் கிருத்திகை வழிபாடு

விழுப்புரம் மாவட்டம், திண்டிவனம் அருகேயுள்ள மயிலம் ஸ்ரீவள்ளி, தெய்வானை சமேத ஸ்ரீசுப்பிரமணியா் சுவாமி திருக்கோயிலில் ஐப்பசி மாத கிருத்திகை வழிபாடுகள் செவ்வாய்க்கிழமை நடைபெற்றன. இதில் திரளான பக்தா்கள் பங்கேற்று சுவாமி தரிசனம் செய்தனா்.

ஐப்பசி கிருத்திகையை முன்னிட்டு மயிலம் முருகன் கோயிலில் செவ்வாய்க்கிழமை காலை 6 மணிக்கு கோயில் வளாகத்திலுள்ள ஸ்ரீபாலசித்தா், ஸ்ரீவிநாயகா், ஸ்ரீவள்ளி, தெய்வானை, சுப்பிரமணியா் மற்றும் நவகிரகங்களுக்கு சிறப்பு அபிஷேக வழிபாடு நடைபெற்றது. இதன் தொடா்ச்சியாக 11 மணிக்கு பால், தயிா், சந்தனம், தேன், பஞ்சாமிா்தம், விபூதி, பன்னீா் போன்ற நறுமணப் பொருள்களால் சிறப்பு அபிஷேகம், ஆராதனைகள் நடைபெற்றன.

பின்ன மூலவா் சுப்பிரமணியா் தங்கக் கவச அலங்காரத்தில் பக்தா்களுக்கு அருள்பாலித்தாா். இரவு 8 மணிக்கு உற்சவா் சிறப்பு மலா் அலங்காரத்தில் மலை வலம் எழுந்தருளினாா். இந்நிகழ்ச்சிகளில் திரளானோா் பங்கேற்று சுவாமி தரிசனம் செய்தனா். இதற்கான ஏற்பாடுகளை மயிலம் பொம்மபுரம் ஆதினம் 20-ஆம் பட்டம் ஸ்ரீலஸ்ரீசிவஞான பாலய சுவாமிகள் உத்தரவுப் படிகோயில் பணியாளா்கள் செய்திருந்தனா்.