டிக்டிக்டிக் படத்துக்குப் பிறகு ஜெயம் ரவி நடித்துள்ள படம் - அடங்க மறு. சரணிடம் உதவி இயக்குநராகப் பணியாற்றிய கார்த்திக் தங்கவேல் இயக்குநராக அறிமுகமாகியுள்ளார். ஜெயம் ரவியின் 24-வது படம் இது. தெலுங்கு நடிகையான ராஷி கண்ணா, ஜெயம் ரவியின் ஜோடியாக நடித்துள்ளார். இசை - சாம் சிஎஸ். அடங்க மறு படம் முதலில் நவம்பர் 16 அன்று வெளியாக இருந்தது. ஆனால் அந்தத் தினத்தில் சிறிய பட்ஜெட் படங்கள் வெளியாக இருந்ததால் அதன் வெளியீடு தள்ளிப் போனது.
இந்நிலையில் அடங்க மறு படம் டிசம்பர் 21 அன்று வெளியாகவுள்ளதாக அதிகாரபூர்வமாக அறிவிக்கப்பட்டுள்ளது.
சீதக்காதி, சர்வம் தாள மயம், பூமராங், சிலுக்குவார்பட்டி சிங்கம் என நான்கு படங்கள் அதே தேதியில் வெளியாகவுள்ளதாக அறிவிக்கப்பட்ட நிலையில் அடங்க மறு படமும் போட்டியில் இணைந்துள்ளது. இதனால் டிசம்பர் 21 அன்று ஐந்து படங்கள் வெளிவருகிற சூழல் உருவாகியுள்ளது. டிசம்பர் 21 அன்று வெளியாகவுள்ள படங்களுக்கு 5 நாள்களுக்கு நல்ல வசூல் கிடைக்க வாய்ப்புண்டு என்பதால் அந்நாளில் வெளியாகப் பல படங்கள் ஆர்வம் காண்பித்துள்ளன.