நடிகர் விக்ரம் நடித்துள்ள கோப்ரா திரைப்படத்தின் இரண்டாவது பாடல் நாளை வெளியாக உள்ளதாக படக்குழு அறிவித்துள்ளது.
நடிகர் விக்ரம் நடித்துள்ள கோப்ரா படத்தை அஜய் ஞானமுத்து இயக்கியுள்ளார். செவன் ஸ்கிரீன் ஸ்டுடியோ சார்பாக லலித் குமார் தயாரிக்கிறார். இந்தப் படத்தில் ஸ்ரீநிதி ஷெட்டி நாயகியாக நடிக்க, ஏ.ஆர்.ரஹ்மான் இந்தப் படத்துக்கு இசையமைக்கிறார்.
கோப்ரா படத்தின் படப்பிடிப்பு சமீபத்தில் நிறைவடைந்த நிலையில் அப்படத்தின் தயாரிப்பாளர், இயக்குநர் இடையே மோதல் போக்கு நிலவி வந்தது படக்குழுவினரை அதிர்ச்சியடைச் செய்தது.
இதையும் படிக்க | சார்லி சாப்ளினின் 133-வது பிறந்தநாள்: மெளன நாயகன்
இந்நிலையில் நடிகர் விக்ரமின் பிறந்த நாளை முன்னிட்டு கோப்ரா திரைப்படத்தின் இரண்டாவது பாடல் நாளை வெளியாகும் என படக்குழு அறிவித்துள்ளது. ஏற்கெனவே தும்பி துள்ளல் எனும் பாடல் வெளியாகி ரசிகர்களின் வரவேற்பைப் பெற்றது குறிப்பிடத்தக்கது.
மகான் திரைப்படத்திற்கு பிறகு வெளியாகும் நடிகர் விக்ரமின் திரைப்படம் என்பதால் இப்படத்தை ரசிகர்கள் அதிகம் எதிர்பார்த்துள்ளனர்.