விஜய்யைத் தொடர்ந்து ரஜினியை இயக்குகிறாரா நெல்சன்?

ரஜினிகாந்தின் அடுத்த படத்தை இயக்குநர் நெல்சன் இயக்கவுள்ளதாக சமூக ஊடகங்களில் தகவல்கள் பரவி வருகின்றன.

டாக்டர் படத்தின் பிரமாண்ட வெற்றியைத் தொடர்ந்து, நடிகர் விஜய் நடிக்கும் பீஸ்ட் திரைப்படத்தை இயக்கி வருகிறார் நெல்சன். இதன் முதல் பாடல் குறித்த அப்டேட்டும் இன்று (திங்கள்கிழமை) மாலை வெளியானது.

இதையும் படிக்க | விஜய், சிவகார்த்திகேயன், அனிருத், நெல்சன் பங்கேற்ற கலகலப்பான 'பீஸ்ட்' முதல் பாடல் ப்ரமோ

இதனிடையே, அண்ணாத்த படத்துக்குப் பிறகு ரஜினியை இயக்கப்போகும் அடுத்த இயக்குநர் குறித்த தகவல்களும் அவ்வப்போது வெளிவந்தன. ரஜினியின் 169-வது பட இயக்குநர்கள் பட்டியலில் சிறுத்தை சிவா, கே.எஸ். ரவிகுமார், பாண்டிராஜ் ஆகியோர் மத்தியில் நெல்சன் பெயரும் இடம்பெற்றிருந்தது.

இந்த நிலையில், ரஜினியின் 169-வது படத்தை இயக்குநர் நெல்சன் இயக்கவுள்ளதாக சமூக ஊடகங்களில் தகவல்கள் பரவி வருகின்றன. அதற்கும் அனிருத்தான் இசையமைக்கிறார் என்ற தகவலும் வெளியாகியுள்ளது.

இதைத் தொடர்ந்து, தலைவர்169 எனும் ஹேஷ்டேக்கும் டிரெண்டாக தொடங்கியுள்ளது.