ஆமிர்கானின் தங்கல் படத்தின் மூலம் அறிமுகமானவர் நடிகை சன்யா மல்ஹோத்ரா. பின்னர் இவர் நடித்த பாதாய் ஹோ, போட்டாகிராபி, லூடோ, காதல் ஆகிய படங்கள் நல்ல வரவேற்பினை பெற்று தந்தன. 

அட்லி இயக்கத்தில் வெளியான ஜவான் படத்திலும் சன்யா மல்ஹோத்ரா நடித்திருந்தார். இவரது கதைத்தேர்வுகள் எப்போதும் வித்தியாசமாகவும் சிறப்பாகவும் இருக்கும். 

இதையும் படிக்க: பாடல்கள் இசையமைப்பதில் ஆர்வமில்லை: இசையமைப்பாளர் கோவிந்த் வசந்தா

தமிழில் மீனாட்சி சுந்தரேஷ்வர் என்ற படம் நெட்பிளிக்ஸில் வெளியானது. இதில் தமிழ்ப் பெண்ணாக நடித்திருப்பார். மிகவும் அழகான கதாபாத்திரம் தமிழ் ரசிகர்களை கவர்ந்தது. 

31 வயதான இவருக்கு சகோதரி (ஷாகுன் மல்ஹோத்ரா) இருக்கிறார். ஷாகுன் மல்ஹோத்ராவுக்கும் தயாரிப்பாளர் அச்சின் ஜெயின் என்பவருடன் திருமணம் நடைபெற்றுள்ளது. 

இதையும் படிக்க: இவ்வளவு நெருக்கமான காட்சியில் நடித்திருக்கக் கூடாதென பெற்றோர்கள் வருந்தினார்கள்: அனிமல் பட நடிகை

இந்தத் திருமணத்தில் தனது சகோதரியை நினைத்து நடிகை சன்யா மல்ஹோத்ரா கண்ணீர் சிந்திய புகைப்படங்கள் ரசிகர்கள் மத்தியில் கவனம் பெற்றுள்ளது. 

“உணர்ச்சிவயப்பட்ட மணப்பெண்; சகோதரி ஷாகுன் உன்னை மிகவும் காதலிக்கிறேன்” என அவரது சகோதரியை டேக் செய்து சன்யா பதிவிட்டுள்ள புகைப்படங்கள் 2.8 இலட்சம் லைக்குகள் பெற்றுள்ளன. 

சன்யா மல்ஹோத்ராவின் சாம் பஹதூர் படம் டிச.1ஆம் நாள் வெளியாகி கலவையான விமர்சனங்களை பெற்றன. அடுத்ததாக மிஸ்சர்ஸ் என்ற படத்தில் நடித்து முடித்துள்ளார்.