ஏகே 62 படத்தின் இயக்குநர் பட்டியலில் புதிதாக மற்றொரு இயக்குநர் இணைந்துள்ளார்.

நடிகர் அஜித்குமார் இயக்குநர் ஹெச்.வினோத் இயக்கத்தில் நடித்த துணிவு திரைப்படம் ஜன.11ஆம் தேதி வெளியாகி கலவையான விமர்சனங்களை பெற்றது. 

அதனைத் தொடர்ந்து, லைக்கா புரொடக்சன்ஸ் தயாரிப்பில்  விக்னேஷ் சிவன் இயக்கத்தில் அஜித் நடிக்க உள்ளதாக திட்டமிடப்பட்டு இருந்தது. பின்னர் ஸ்கிரிப்ட் பிரச்னைகளால் இந்தப் படத்திலிருந்து அஜித் விலகுவதாக சமூகவலைதளங்களில் தகவல்கள் வெளியானது.

ஆனால், விக்னேஷ் சிவன் தன் டிவிட்டர் பக்கத்தில் ஏகே 62 பற்றிய தகவலை நீக்கியதும் அவர் படத்திலிருந்து விலகியது உறுதியானது.

இதையும் படிக்க: ’காஷ்மீர் ஃபைல்ஸ் ஒரு குப்பை’: பிரகாஷ் ராஜ்

அவருக்கு பதிலாக ‘கலகத்தலைவன்’ படத்தின் இயக்குநர் மகிழ் திருமேனியுடன் அஜித் இணைய உள்ளதாக தகவல்கள் வெளியாகி வருகின்றன. 

இந்நிலையில், இப்போட்டியில் இயக்குநர் வெங்கட் பிரபுவும் இணைந்திருப்பதாக புதிய தகவல் வெளியாகியுள்ளது. 

மேலும், வெங்கட் பிரபு துணிவு படத்தின் ‘நோ கட்ஸ்..நோ குளோரி’ வசனத்தைக் கொண்ட டீசர்டை அணிந்துள்ள புகைப்படத்தை ரசிகர்கள் வைரலாக்கி வருகின்றனர்.