இன்று இரவு வெளியாகும் ஜப்பான் படத்தின் டிரைலர்!

ஜப்பான் படத்தின் டிரைலர் இன்று(அக்.28) இரவு 10 மணிக்கு வெளியாகும் என படக்குழு தரப்பில் போஸ்டர் வெளியிட்டு தெரிவிக்கப்பட்டுள்ளது.

இயக்குநர் ராஜூ முருகன் இயக்கத்தில் நடிகர் கார்த்தி, அனு இமானுவேல் உள்ளிட்டோர் நடித்துள்ள திரைப்படம் ஜப்பான் வெளியீட்டுக்கு தயாராகி வருகிறது. மேலும் தெலுங்கு நடிகர் சுனில், இயக்குநர் விஜய் மில்டன் உள்ளிட்டோர் முக்கிய கதாபாத்திரங்களில் நடிக்கின்றனர். 

இந்தப் படத்தை ட்ரீம் வாரியர்ஸ் பிக்சர்ஸ் தயாரிக்கிறது. ஜி.வி.பிரகாஷ்குமார் இசையமைக்கிறார்.  திருச்சியில் நடந்த உண்மை சம்பவத்தை பின்னணியாகக் கொண்டு ஜப்பான் திரைப்படத்தின் கதை அமைக்கப்பட்டுள்ளது. இப்படம் வரும் தீபாவளிக்கு வெளியாகிறது.

இதையும் படிக்க: விக்ரம் 62 படத்தின் அறிவிப்பு வெளியானது!

ஜப்பான் படத்தின் டிரெய்லர் வெளியீட்டு விழா, இன்று (அக்.28) மாலை நேரு உள்விளையாட்டு அரங்கில் நடைபெறவுள்ளது. இந்த டிரைலர் வெளியீட்டு விழாவில் வெளியீட்டுத் தேதி குறித்த தகவல் தெரியவரும்.