'வீர தீர சூரன்’ படப்பிடிப்பு துவக்கம்!

தமிழில் வித்தியாசமான கதாபாத்திரங்களை தேர்ந்தெடுக்கும் நடிகர் விக்ரமுக்கு மணிரத்னம் இயக்கிய பொன்னியின் செல்வன் படம் நல்ல திருப்பு முனையை அளித்தது.

அதன் வெற்றிக்குப் பிறகு தற்போது, பா.ரஞ்சித் இயக்கியுள்ள தங்கலான் படத்தில் நடித்து முடித்துள்ளார். இப்படம் விரைவில் வெளியாகவிருக்கிறது.

விக்ரம் 62 படத்தினை சித்தா பட இயக்குநர் சு. அருண்குமார் இயக்கவுள்ளார். இப்படத்திற்கு, வீர தீர சூரன் எனப் பெயரிட்டுள்ளனர். நேரடியாக, படத்தின் இரண்டாம் பாகத்தை முதலிலும் முதல் பாகத்தை அடுத்ததாகவும் எடுக்க உள்ளனர்.

இதன் பெயர் அறிவிப்பு டீசர் வெளியாகி பெரிய கவனத்தைப் பெற்றதுடன் யூடியூபில் 1 கோடி பார்வைகளைக் கடந்து அசத்தியுள்ளது.

இந்த நிலையில், இப்படத்தின் படப்பிடிப்பு இன்று மதுரையில் துவங்கியுள்ளதாகத் தகவல் வெளியாகியுள்ளது. விக்ரமுடன் நடிகர்கள் எஸ்.ஜே.சூர்யா, சுராஜ் வெஞ்சாரமூடு, துஷாரா விஜயன் உள்ளிட்டோர் நடிக்கின்றனர்.