மலையாளப் படத்தில் பாரதிராஜா!

இயக்குநர் பாரதிராஜா மலையாள சினிமாவில் நடிகராக அறிமுகமாகிறார்.

தமிழ் சினிமாவில் பெரும் தாக்கத்தை ஏற்படுத்திய இயக்குநர்களில் ஒருவர் பாரதிராஜா. இவர் இயக்கிய 16 வயதினிலே, கிழக்கே போகும் ரயில், அலைகள் ஓய்வதில்லை, முதல் மரியாதை என பல படங்கள் மிகப்பெரிய வரவேற்பைப் பெற்றவை. இன்றும் தமிழின் முக்கியமான திரைப்படங்களின் பட்டியலில் இருப்பவை.

பல வெற்றிப் படங்களைக் கொடுத்த பாரதிராஜா தற்போது நடிகராக அசத்தி வருகிறார். குரங்கு பொம்மை, திருச்சிற்றம்பலம் படங்களில் இவரின் நடிப்பு பெரிதாகக் கவனிக்கப்பட்டது.

வயதுமூப்பு காரணமாக அடிக்கடி உடல்நிலை சரியில்லாமல் இருந்தாலும் இவர் தொடர்ந்து திரைப்படங்களில் நடிப்பது பலரையும் ஆச்சரியப்படுத்து வருகிறது.

இந்த நிலையில், நடிகர் மோகன்லால் நடிக்கும் மலையாளப் படமொன்றில் காவல்துறை உயர் அதிகாரியாக பாரதிராஜா நடிக்க உள்ளதாகத் தகவல் வெளியாகியுள்ளது. இதுவே, அவரின் முதல் மலையாளப் படமென்பதும் குறிப்பிடத்தக்கது.