வாழை, கொட்டுக்காளி திரைப்படங்களின் முதல் நாள் வசூல் குறித்து தகவல் வெளியாகியுள்ளது.

இயக்குநர் மாரி செல்வராஜ் இயக்கிய வாழை மற்றும் பி. எஸ். வினோத் ராஜ் இயக்கிய கொட்டுக்காளியும் நேற்று (ஆக.23) திரையரங்குகளில் வெளியாகின.

இரு திரைப்படங்களும் விமர்சன ரீதியாகவும் பாராட்டுகளைப் பெற்று வருகின்றன. முக்கியமாக, வாழை திரைப்படத்துக்கு ரசிகர்களிடையே வரவேற்பு கிடைத்திருக்கிறது.

நடிகர் சூரி நாயகனாக நடித்த கொட்டுக்காளியும் கவனம் பெற்றுள்ளது.

இதில், இந்தியளவில் முதல் நாளில் வாழை திரைப்படம் ரூ. 1.15 கோடியையும் கொட்டுக்காளி ரூ. 50 லட்சத்தையும் வசூலித்துள்ளதாகத் தகவல் வெளியாகியுள்ளது.