சூர்யா - 45 படத்தில் விஜய் சேதுபதி?

நடிகர் விஜய் சேதுபதியை சூர்யா - 45 படத்தில் நடிக்க வைப்பதற்கான பேச்சுவார்த்தைகள் நடைபெற்று வருவதாகத் தகவல் வெளியாகியுள்ளது.

சூர்யாவின் 45-வது படத்தை ஆர். ஜே. பாலாஜி இயக்கி வருகிறார். படத்தின் படப்பிடிப்பு கோயம்புத்தூரில் விறுவிறுப்பாக நடைபெற்று வருகிறது.

இதில், த்ரிஷா, ஸ்சுவாசிகா, இந்திரன்ஸ், காளி வெங்கட் உள்ளிட்ட நடிகர்கள் நடித்து வருகின்றனர். படத்தை இயக்குவதுடன் ஆர். ஜே. பாலாஜியும் முக்கிய கதாபாத்திரத்தில் நடித்து வருவதாகத் தெரிகிறது.

இதையும் படிக்க: ராகவா லாரன்ஸுக்கு வில்லனாகும் மாதவன்!

இந்த நிலையில், நடிகர் விஜய் சேதுபதியை படத்தில் நடிக்க வைக்க தயாரிப்பு நிறுவனம் பேச்சுவார்த்தையில் ஈடுபட்டு வருவதாகத் தகவல் வெளியாகியுள்ளது.

இப்படத்திலிருந்து இசையமைப்பாளர் ஏ. ஆர். ரஹ்மான் விலகியதால் புதிய இசையமைப்பாளராக சாய் அபயங்கரை அறிவித்துள்ளது குறிப்பிடத்தக்கது.