ராம் சரணுக்கு 256 அடி கட் - அவுட்!

கேம் சேஞ்சர் படத்திற்காக நடிகர் ராம் சரணுக்கு 256 அடி கட் - அவுட் வைத்துள்ளனர்.

இயக்குநர் ஷங்கர் இயக்கத்தில் தெலுங்கு நடிகர் ராம் சரண் கதாநாயகனாக நடித்துள்ள கேம் சேஞ்சர் திரைப்படம் அடுத்தாண்டு ஜனவரி 10 ஆம் தேதி திரையரங்குகளில் வெளியாகவுள்ளது.

இப்படத்தில் எஸ். ஜே. சூர்யா, கியாரா அத்வானி, அஞ்சலி, ஸ்ரீகாந்த், சமுத்திரக்கனி உள்ளிட்ட பலர் நடித்துள்ளனர். இப்படத்திற்கு தமன் இசையமைத்துள்ளார். படத்தின் பாடல்கள் வெளியாகி கவனம் பெற்றுள்ளது.

இதையும் படிக்க: வணங்கானிலிருந்து சூர்யா விலகியது ஏன்? பாலா விளக்கம்!

தற்போது, படத்திற்கான புரமோஷன் பணிகள் தீவிரமடைந்துள்ளன.

இந்த நிலையில், ஆந்திர மாநிலம் விஜயவாடாவில் நடிகர் ராம் சரணுக்கு 256 அடி உயரம் கொண்ட கட் - அவுட் வைக்கப்பட்டுள்ளது. இதுவரை, இந்தியாவில் நடிகர்களுக்காக வைக்கப்பட்ட கட் - அவுட்களிலேயே இதுவே மிகப்பெரியது.