ஆர்.ஜே.பாலாஜி நடிப்பில் உருவான சிங்கப்பூர் சலூன் படம் ஓடிடியில் வெளியாகியுள்ளது.

எல்கேஜி, மூக்குத்தி அம்மன், வீட்ல விசேஷம் உள்ளிட்ட படங்களின் மூலம் தமிழ் சினிமாவில் நாயகனாக இருப்பவர் ஆர்.ஜே.பாலாஜி. முன்னணி தமிழ் நடிகர்களுடன் இணைந்து நடித்துள்ள இவர் எல்கேஜி திரைப்படத்தின் வெற்றிக்குப் பின் கதாநாயகனாகவே நடித்து வருகிறார். 

இயக்குநர் கோகுல் இயக்கத்தில் உருவான ‘சிங்கப்பூர் சலூன்’ திரைப்படம் சமீபத்தில் திரையரங்குகளில் வெளியானது.

ஐசரி கணேஷ் தயாரித்துள்ள இந்தப் படத்தினை ரெட் ஜெயண்ட் மூவிஸ் நிறுவனம் வெளியிட்டுள்ளது. மேலும் இப்படத்தில் சத்யராஜ், லால் உள்பட பலர் நடித்துள்ளனர்.

கலவையான விமர்சனங்களைப் பெற்ற சிங்கப்பூர் சலூன் திரைப்படம் தற்போது அமேசான் ப்ரைம் ஓடிடியில் வெளியாகியுள்ளது.