நடிகர் அஜித் குமார் நடித்துவரும் விடாமுயற்சி படத்தின் இரு புதிய போஸ்டர்களை படக்குழு இன்று (ஜூலை 7) வெளியிட்டுள்ளது.

இதற்கு முன்பு கடந்த மாதம் 30ஆம் தேதி புதிய தோற்றம் வெளியான நிலையில், அதனைத் தொடர்ந்து தற்போது இரண்டு போஸ்டர்களை தயாரிப்பு நிறுவனமான லைகா வெளியிட்டுள்ளது.

தமிழ் சினிமாவின் முன்னணி நடிகரான அஜித் குமார், துணிவு படத்தை தொடர்ந்து 'விடாமுயற்சி' படத்தில் நடித்து வருகிறார். இப்படத்தை இயக்குநர் மகிழ்த்திருமேனி இயக்கிவருகிறார். தடையறத் தாக்க, மீகாமன், தடம், கலகத் தலைவன் உள்ளிட்ட படங்களைத் தொடர்ந்து அஜித் குமாரை இவர் இயக்குகிறார்.

அனிருத் இசையமைக்கும் இப்படத்தை லைகா நிறுவனம் தயாரிக்கிறது. அஜித் குமாருடன் நடிகர் அர்ஜுன், திரிஷா, ரெஜினா, சந்தீப் கிஷன் உள்ளிட்ட பலர் இப்படத்தில் நடிக்கின்றனர்.

விடாமுயற்சி படத்தின் இறுதிக்கட்ட படப்பிடிப்பு அஜர்பைஜானில் நடைபெற்று வருகிறது. தமிழ், மலையாளம், தெலுங்கு, கன்னடம் ஆகிய 4 மொழிகளில் இப்படம் வெளியாகிறது.

இந்நிலையில், இப்படத்தின் இரு புதிய போஸ்டர்களை தயாரிப்பு நிறுவனம் இன்று வெளியிட்டுள்ளது. இப்படங்களை வெளியிட்டு, முயற்சிகள் ஒருபோதும் தோற்பதில்லை எனக் குறிப்பிட்டுள்ளது.