மீசைய முருக்கு, சிவகாமியின் சபதம், நட்பே துணை, நான் சிரித்தால், அன்பறிவு உள்ளிட்ட படங்களில் கதாநாயகனாக நடித்து தனக்கென ரசிகர் பட்டாளத்தை உருவாக்கியவர் இசையமைப்பாளர் ஹிப்ஹாப் ஆதி.

தற்போது, வேல்ஸ் இண்டர்நேஷ்னல் ஐசரி கணேஷன் தயாரிப்பில் ‘நெஞ்சமுண்டு நேர்மையுண்டு ஓடு ராஜா’ படத்தின் இயக்குநர் கார்த்திக் வேணுகோபாலன் இயக்கத்தில் 'பி.டி. சார்’ படத்தில் நடித்திருந்தார்.

கலவையான விமர்சனங்களைப் பெற்ற இப்படத்துக்குப் பிறகு 2 படங்களில் நடித்து வருவதாக ஹிப்ஹாப் ஆதி கூறியிருந்தார்.

இந்நிலையில் தனது 8ஆவது படத்தின் பெயர் அறிவிக்கப்பட்டுள்ளது. ஹிப்ஹாப் தமிழா என்டர்டெயின்மென்ட் தயாரிக்கிறது.

அவரே தயாரித்து இயக்கி நடிக்கும் இந்தப் படத்துக்கு, “கடைசி உலகப் போர்” எனப் பெயரிட்டுள்ளது. இதன் முதல் பார்வை போஸ்டர் தற்போது வெளியாகியுள்ளது. இதன் கிளிம்ஸ் விடியோ நாளை (ஜூலை 19) வெளியாகுமென படக்குழு தெரிவித்துள்ளது.

நண்பர்களுடன் இணைந்து இந்தப் படத்தினை இயக்கியுள்ளதாகவும் அதற்கு மக்கள் தங்கள் ஆதரவினை தெரிவிக்குமாறும் ஹிப்ஹாப் ஆதி கேட்டுக்கொண்டுள்ளார்.