நடிகை பிரியங்கா சோப்ரா, புதிய ஹேர் ஸ்டைலுடன் இருக்கும் புகைப்படம் இணையத்தில் வைரலாகி வருகின்றது.

தமிழில் விஜய்க்கு ஜோடியாக தமிழன் திரைப்படத்தில் அறிமுகமாகி பிரபலமானவர் பிரியங்கா சோப்ரா. தொடர்ந்து, பாலிவுட், ஹாலிவுட் என 50-க்கும் மேற்பட்ட படங்களில் நடித்துள்ளார்.

கடந்த 2018ஆம் ஆண்டு பாப் பாடகர் நிக் ஜோனஸை திருமணம் செய்த பிரியங்கா சோப்ரா, அமெரிக்காவில் குடியேறினார்.

திருமணத்துக்கு பிறகு ஹாலிவுட் படங்களில் முக்கிய கதாபாத்திரங்களை தேர்வு செய்து நடித்து வரும் பிரியங்கா சோப்ரா, தற்போது ‘தி ப்ளிஃப்’ என்ற படத்தில் நடித்து வருகிறார்.

19ஆம் நூற்றாண்டில் மெர்சல் என்ற பெண் தனது குடும்பத்தை காப்பாற்றுவதற்காக போராடும் கதை அம்சத்தைக் கொண்ட இந்த படத்தில், கடல் கொள்ளைக்காரியாக பிரியங்கா சோப்ரா நடிக்கிறார்.

இதற்காக, மோஹக் ஹேர்ஸ்டைலுடன் பிரியங்கா சோப்ரா இருக்கும் புகைப்படம் இணையத்தில் பரவி வைரலாகி வருகின்றது.