ராயன் திரைப்படத்தின் முதல் நாள் வசூல் குறித்து தகவல் வெளியாகியுள்ளது.

நடிகர் தனுஷ் நடிப்பில் உருவான ராயன் திரைப்படம் வெள்ளிக்கிழமை திரையரங்குகளில் வெளியானது.

வடசென்னையில் தன் தம்பிகள் மற்றும் தங்கையுடன் வாழ்ந்து வரும் ராயன் (தனுஷ்) எதிர்கொள்ளும் பிரச்னைகளும் திருப்பங்களுமாக உருவான இப்படம் ரசிகர்களிடம் கலவையான விமர்சனங்களைப் பெற்று வருகிறது.

அதேநேரம், படத்தைப் பார்க்கும் ஆர்வதிலும் பல ரசிகர்கள் முன்பதிவு செய்துள்ளனர்.

இந்த நிலையில், ராயன் திரைப்படம் முதல் நாள் வசூலாக இந்தியளவில் ரூ.15 கோடியும் வெளிநாடுகளில் ரூ.5.50 கோடியும் வசூலித்திருக்கலாம் என கணிக்கப்பட்டுள்ளது.

இதனால், ராயன் உலகளவில் முதல் நாள் வசூலாக ரூ.20 கோடிக்கும் அதிகமாக வசூலித்துள்ளதாகத் தெரிகிறது.