லியோ படத்தைத் தொடர்ந்து விஜய்யின் 68-வது படத்தை வெங்கட் பிரபு இயக்கி வருகிறார். இதில் நடிகர்கள் ஜெயராம், பிரபு தேவா, மோகன், பிரஷாந்த், வைபவ், சினேகா, லைலா, மீனாட்சி சௌத்ரி உள்ளிட்டோர் நடிக்கின்றனர்.

இப்படத்திற்கு, கிரேட்டஸ்ட் ஆஃப் ஆல் டைம்ஸ் (G.O.A.T. - Greatest Of All Times) எனப் பெயரிட்ட அறிவிப்பு போஸ்டர் வெளியாகி ரசிகர்கள் மத்தியில் கவனத்தை ஏற்படுத்தியது. இப்படத்துக்கு யுவன் சங்கர் ராஜா இசையமைக்கிறார்.

சமீபத்தில், கோட் படத்தின் முதல் பாடலான, ‘விசில் போடு’ வெளியாகி கலவையான விமர்சனங்களைப் பெற்றதுடன் யுவன் மீதான அதிருப்தியை ரசிகர்கள் வெளிப்படுத்தினர்.

ஆனாலும், விஜய்யின் பிரபலத்தால் இப்பாடல் யூடியூப்பில் 5 கோடி பார்வைகளைக் கடந்து அசத்தியுள்ளது.