நடிகர்கள் மாதவன், ஷாலினி எடுத்துக்கொண்ட புகைப்படம் இணையத்தில் வைரலாகியுள்ளது.

நடிகர் மாதவன் நடிகை ஷாலினி இணைந்து நடித்த திரைப்படம் அலைபாயுதே. கடந்த 2000 ஆம் ஆண்டு மணிரத்னம் இயக்கத்தில் வெளியான இப்படம் அன்றைய ரசிகர்களிடம் மிகப்பெரிய வரவேற்பைப் பெற்றதுடன் காதலர்களுக்கான படமாகவும் வெற்றிபெற்றது.

ஏ. ஆர். ரஹ்மான் இசையமைப்பில் படத்தில் இடம் பெற்ற பாடல்களை முணுமுணுக்காதவர்களே குறைவு எனும் அளவிற்கு ஆல்பம் ஹிட் அடித்தது. இப்படம் வெளியாகி 24 ஆண்டுகள் நிறைவடைந்துள்ளது.

இந்த நிலையில், நடிகை ஷாலினி நடிகர் மாதவனுடன் செல்ஃபி எடுத்த புகைப்படங்களை, ‘என்றென்றும் புன்னகை’ எனக் குறிப்பிட்டு இன்ஸ்டாகிராமில் பகிர்ந்துள்ளார்.

இப்படங்களைப் பார்த்த ரசிகர்கள், கார்த்தியும் (மாதவன்), சக்தியும் (ஷாலினி) இன்றும் எவர்கிரீன் ஜோடியாகவே இருக்கின்றனர் என தங்களின் பழைய நினைவுகளைப் பகிர்ந்து வருகின்றனர்.