சூப்பர் ஸ்டார் ரஜினிகாந்த் - இயக்குநர் லோகேஷ் கனகராஜ் கூட்டணியில் உருவாகி வரும் ‘கூலி’ திரைப்படம் சுமார் 100 நாடுகளின் திரையரங்குகளில் வெளியாகவுள்ளதாக தகவல்கள் தெரிவிக்கின்றன.

சூப்பர் ஸ்டார் ரஜினிகாந்தின் 171-வது படத்தை, பிரபல இயக்குநர் லோகேஷ் கனகராஜ் இயக்கவுள்ளதாக அறிவிப்பு வெளியான நாள் முதலே, அந்தப் படத்தின் மீதான எதிர்பார்ப்பு விண்ணைத் தொட்டுள்ளது.

சன் பிக்சர்ஸ் தயாரிக்கும் “கூலி” எனப் பெயரிப்பட்ட இந்தத் திரைப்படத்தில், பிரபல நடிகர்களான நாகார்ஜுனா, ஆமிர்கான், சத்யராஜ், உபேந்திரா, சௌபின் சாஹிர் ஆகியோர் முக்கிய கதாபாத்திரங்களில் நடித்துள்ளனர்.

வரும் ஆகஸ்ட் 14 ஆம் தேதி அன்று உலகம் முழுவதும் ஏராளமான திரையரங்குகளில் இந்தப் படம் வெளியாகும் என அறிவிக்கப்பட்டுள்ள நிலையில், ஹம்சினி எண்டர்டெயின்மெண்ட் நிறுவனம் கூலி திரைப்படத்தை சர்வதேச அளவில் விநியோகிக்க உள்ளதாகக் கூறப்படுகிறது.

ஏற்கனவே, நடிகர் விஜய்யின் கோட் திரைப்படத்தை 40 நாடுகளிலும், ஜூனியர் என்.டி.ஆர். நடிப்பில் வெளியான தேவரா திரைப்படத்தை 90-க்கும் அதிகமான நாடுகளிலும் அந்நிறுவனம் வெளியிட்டது.

இதனால், ஹம்சினி எண்டர்டெயின்மெண்ட் நிறுவனம் கூலி திரைப்படத்தை 100-க்கும் அதிகமான நாடுகளில் வெளியிட திட்டமிட்டுள்ளதாக தகவல்கள் தெரிவிக்கின்றன.

இதையும் படிக்க: அனுஷ்காவின் காதி வெளியீடு ஒத்திவைப்பு!