பென்ஸ் படத்தில் மலையாள நடிகர் நிவின் பாலி இணைந்தது அதிகாரபூர்வமாக அறிவிக்கப்பட்டுள்ளது.

இயக்குநர் லோகேஷ் கனகராஜின் கதையில், பாக்கியராஜ் கண்ணன் இயக்கத்தில் நடிகர் ராகவா லாரன்ஸ் நாயகானக நடிக்கும் படத்திற்கு பென்ஸ் எனப் பெயரிட்டுள்ளனர்.

எல்சியூ திரைப்படமாக இது உருவாகும் என லோகேஷ் அறிவித்திருந்தார்.

இப்படத்திற்கு அனிருத், சாம் சிஎஸ், சாய் அபயங்கர் ஆகியோர் இசையமைக்க உள்ளனர்.

அண்மையில் படத்தின் படப்பிடிப்பு துவங்கியது. ஆக்சன் பின்னணியில் உருவாகும் இப்படத்தின் சண்டைக் காட்சிகளைப் பிரம்மாண்டமாக எடுக்கவும் திட்டமிட்டுள்ளனர்.

இந்நிலையில், வால்டர் என்ற கதாபாத்திரத்தை அறிமுகம் செய்துள்ளனர். அது நடிகர் நிவின் பாலி என ஏற்கனவே தகவல் வெளியான நிலையில் அது உறுதி செய்யப்பட்டுள்ளது.

தோல்விப்படங்களால் பாதிக்கப்பட்ட நிவின் பாலிக்கு பென்ஸ் திருப்புமுனையாக அமையலாம் என எதிர்பார்க்கப்படுகிறது.

இந்தப் படத்தில் மாதவன் நடிக்கவிருப்பதாகவும் தகவல் வெளியாகியுள்ளது.