டிடி நெக்ஸ்ட் லெவல் படத்திலிருந்து கிசா - 47 பாடல் நீக்கப்பட்டதாகத் தகவல்கள் தெரிவிக்கின்றன.

சந்தானம் கதாநாயகனாக நடித்து, பிரேம் ஆனந்த் இயக்கிய ‘டிடி ரிட்டர்ன்ஸ்’ திரைப்படத்தின் வெற்றியைத் தொடர்ந்து அவர்களது கூட்டணியில் உருவான புதியபடம் ‘டிடி நெக்ஸ்ட் லெவல்’.

இப்படத்தில் இடம்பெற்ற கிசா - 47 பாடலில் பெருமாளைக் குறித்து எழுதப்பட்ட ‘கோவிந்தா கோவிந்தா’ எனும் வரி பிரபல பக்திப் பாடலின் ராகத்தைப் போன்றே பயன்படுத்தப்பட்டுள்ளது. இது இந்து மத நம்பிக்கைகளைப் புண்படுத்தவதாகக் கூறி சர்ச்சை எழுந்தது.

தொடர்ந்து, திருப்பதி தேவஸ்தான அறங்காவலர் குழுவின் உறுப்பினரான பானுபிரகாஷ் ரெட்டி என்பவர், ரூ. 100 கோடி கேட்டு படக்குழுவினருக்கு நோட்டீஸ் அனுப்பினார்.

இந்த நிலையில், நடிகர் சந்தனாம் மற்றும் தயாரிப்பு தரப்பு கலந்தாலோசித்து படத்திலிருந்து கிசா - 47 பாடலை நீக்கியுள்ளதாகத் தகவல்கள் தெரிவிக்கின்றன.

இதையும் படிக்க: ஓடிடியில் கேங்கர்ஸ்!