"மிக்' விபத்துகள்: தலைமை தளபதி விளக்கம்

ஹிண்டன் (காசியாபாத்), அக்.8: சமீபகாலங்களாக நிகழ்ந்து வரும் "மிக்-21' ரக போர் விமானங்களின் விபத்துகளுக்கு, இளம் விமானிகளின் அனுபவமின்மையே காரணம் என்று இந்திய விமானப் படைத் தலைமை தளபதி என்.ஏ.கே.பிரௌனி சனிக்கிழமை தெரிவித்தார்.

இது குறித்து அவர் செய்தியாளர்களிடம் பேசியதாவது: இந்த ஆண்டு நிகழ்ந்த "மிக்-21' ரக விமான விபத்துகளில் ஒன்றைத் தவிர மற்ற அனைத்து விபத்துகளுக்கும் இளம் விமானிகளின் அனுபவமின்மையே காரணமாகும். "மிக்-21' விமானங்களை இயக்குவது, தரையிறங்குவது ஆகியவற்றில் அவர்களின் அனுபவமின்மை வெளிப்படுகிறது.

இப்போது பயிற்சியில் உள்ள விமானிகள் குழு, "மிக்-21' விமானங்களை இயக்கும் திறன் பெறப்போகும் கடைசி குழுவாகும். இவர்கள் பெற்று வரும் பயிற்சி 2012-ம் ஆண்டு டிசம்பரில் முடிவடையும். உண்மையில் விமானிகள் நேரடியாக மூன்றாம் கட்ட பயிற்சிக்கு செல்வதில் எங்களுக்கு மகிழ்ச்சி இல்லை. ஆனால் இதைத்தவிர வேறு வழியில்லை என்று பிரெüனி தெரிவித்தார்.

1960-ம் ஆண்டு முதல் வாங்கப்பட்ட 976 மிக்-21 ரக விமானங்களில், பாதிக்கும் மேற்பட்டவை விபத்துகளில் அழிந்துவிட்டது குறிப்பிடத்தக்கது.