ராஜமுந்திரி அருகே லாரி மோதி 16 விவசாயிகள் பரிதாப பலி

ராஜமுந்திரி அருகே லாரி மோதி 16 விவசாயிகள் பரிதாபமாக உயிரிழந்துள்ள சம்பவம் பெரும் அதிர்ச்சியை ஏற்படுத்தியுள்ளது.

ராஜமுந்திரி அருகே கொண்டபல்லி கிராமத்தில் தேசிய நெடுஞ்சாலையில் லாரி ஒன்று வந்து கொண்டிருந்தது. அப்போது திடீரென நிலைதடுமாறி விவசாய பணி முடிந்து வந்துகொண்டிருந்த தொழிலாளர்கள் மீது ஏறியது. இதனால் சம்பவ இடத்திலேயே 16 பேர் பரிதாபமாக உயிரிழந்தனர். 10-க்கும் மேற்பட்டோர் காயமடைந்துள்ளனர்.

சங்கராவரம், டுனி மற்றும் தொண்டாங்கி ஆகிய பகுதியை சேர்ந்தவர்கள். இவர்கள் அனைவரும் விவசாயப் பணி முடித்துவிட்டு வீடு திரும்பிய நிலையில் இந்த விபத்து நிகழ்ந்துள்ளது. இவர்கள் 20 முதல் 45 வயது உடையவர்கள் என்று தகவல்கள் வெளியாகியுள்ளது.

காயமடைந்தவர்கள் ருகில் உள்ள மருத்துவமனையில் சிகிச்சை பெற்று வருகின்றனர். இதனால் அப்பகுதியில் பெரும் பரபரப்பு ஏற்படுத்தியது.