சாக்கடையில் விழுந்த சிறுமியை தேடும் பணி தீவிரம்

ஆந்திர பிரதேசத்தில் திறந்த சாக்கடை ஒன்றில் விழுந்து காணாமல் போன 6 வயது சிறுமியை தேடும் பணியில் 30 மீட்பு குழுவினர் இறங்கியுள்ளனர்.

ஆந்திர பிரதேசத்தில் வீட்டு வசதி வாரிய காலனி மற்றும் எம்.வி.பி. காலனி மற்றும் அதனை சுற்றியுள்ள பகுதிகளை உள்ளடக்கிய 3.5 கி.மீட்டர் நீளம் கொண்ட திறந்த சாக்கடையில் விழுந்த சிறுமியை தேடும் பணியில் போலீசார், தீயணைப்பு துறையினர் ஈடுபட்டுள்ளனர். சென்ற வியாழகிழமை டியூசன் முடித்து விட்டுக்கு திரும்பி கொண்டிருந்த அதிதி சிறுமி வீட்டு வசதி வாரிய காலனி பகுதியில் உள்ள சாக்கடையில் தவறி விழுந்து விட்டாள். பலத்த மழையினால் ஏற்பட்ட வெள்ள பெருக்கினால் சாக்கடைக்குள் விழுந்த உடன் சிறுமி அடித்து செல்லப்பட்டுள்ளாள்.

சாக்கடை கடலுக்கு சென்று சேரும் வகையில் இணைப்பு கொடுக்கப்பட்டுள்ளதை அடுத்து தேடுவதற்காக ஹெலிகாப்டர்களை அனுப்ப வேண்டும் என இந்திய கப்பற்படையிடம் மாவட்ட அதிகாரிகள் வேண்டுகோள் விடுத்துள்ளனர்.