ககன்யான் திட்டத்தின் பூஸ்டர் சோதனை வெற்றி: இஸ்ரோ தகவல்

மனிதர்களை விண்வெளிக்கு அனுப்பும் இஸ்ரோவின் ககன்யான் திட்ட விண்கலத்தின் பூஸ்டர் சோதனையை இன்று வெற்றிகரமாக சோதனை செய்யப்பட்டது.

மனிதர்களை விண்வெளிக்கு அனுப்பும் இந்தியாவின் கனவுத் திட்டம் ககன்யான். ரூ.10 ஆயிரம் கோடி செலவில் மேற்கொள்ளப்படும் இந்த திட்டத்தின் பூஸ்டர் சோதனை வெள்ளிக்கிழமை ஸ்ரீஹரிகோட்டாவில் உள்ள சதீஸ்தவான் விண்வெளி ஆய்வு மையத்தில் நடத்தப்பட்டது.

இதையும் படிக்க | ஜம்மு-காஷ்மீரில் ஓடும் பேருந்தில் தீ: 4 பேர் பலி

சக்திவாய்ந்த ஜிஎஸ்எல்வி எம்கே 3 ராக்கெட்டின் ஹெச்எஸ் 200 பூஸ்டர் சோதனை 203 டன் எரிபொருளுடன் நடத்தப்பட்டது.  இந்த சோதனையின்போது 700 அளவுகோல்கள் ஆய்வு செய்யப்பட்டதாகவும், வெற்றிகரமாக செயல்படுத்தப்பட்ட இந்த சோதனையின் மூலம் இந்தியாவின் விண்வெளி ஆய்வு மேலும் வளர்ச்சியடையும் என விஞ்ஞானிகள் தெரிவித்துள்ளனர்.