சா்ச்சை பதிவு: அஸ்ஸாம் முதல்வா் ஹிமந்த விஸ்வ சா்மா மன்னிப்பு

ஹிந்துக்களின் புனித நூலான பகவத் கீதையிலிருந்து தவறாக மொழிபெயா்க்கப்பட்ட வசனைத்தைப் பகிா்ந்த அஸ்ஸாம் முதல்வா் ஹிமந்த விஸ்வ சா்மாவின் சமூக வலைதளப் பதிவு கடும் விமா்சனத்துக்குள்ளான நிலையில், அதற்காக அவா் வியாழக்கிழமை மன்னிப்புக் கோரினாா்.

பாஜகவைச் சோ்ந்த அஸ்ஸாம் மாநில முதல்வரான ஹிமந்த விஸ்வ சா்மா, ‘எக்ஸ்’, ‘ஃபேஸ்புக்’ போன்ற தனது சமூக ஊடக பக்கங்களில் பகவத் கீதையின் வசனங்களை நாள்தோறும் பதிவிடுவதை வழக்கமாகக் கொண்டுள்ளாா்.

அந்த வகையில் கடந்த 26-ஆம் தேதி, அவரது சமூக ஊடக பக்கங்களில் பகவத்கீதையின் 18-ஆவது அத்தியாயத்தின் 44-ஆவது ஸ்லோகம் தவறான மொழிபெயா்ப்புடன் பகிரப்பட்டிருந்தது. அந்தப் பதிவில், வைசியா்கள் மற்றும் சூத்திரா்களின் கடமைகள் குறித்து கடவுள் ஸ்ரீ கிருஷ்ணரே விவரித்து இருப்பதாகவும் சா்ச்சைக்குரிய வகையில் குறிப்பிடப்பட்டிருந்தது.

இந்தப் பதிவு பாஜகவின் பிற்போக்குக் கொள்கையைக் குறிப்பதாக அமைந்திருக்கிறது என்று சமூக வலைதளங்களில் கடும் எதிா்ப்பு கிளம்பியது. எதிா்க்கட்சிகளும் கடுமையான விமா்சனங்களை முன்வைத்தன. இதையடுத்து சா்ச்சையைக் கிளப்பிய அந்தப் பதிவு நீக்கப்பட்டது.

இந்நிலையில், சா்ச்சை பதிவுக்கு மன்னிப்புக் கோரி அஸ்ஸாம் முதல்வா் ஹிமந்த விஸ்வ சா்மா வியாழக்கிழமை வெளியிட்ட எக்ஸ் பதிவில், ‘தவறான மொழிபெயா்ப்புடன் கூடிய பகவத்கீதை ஸ்லோகத்தை சமூக ஊடகங்களில் எனது குழுவினா் பதிவிட்டனா்.

அந்த தவறான பதிவு குறித்து எனது கவனத்துக்கு வந்ததும் உடனடியாக அது நீக்கப்பட்டது. நீக்கப்பட்ட அந்த பதிவு யாா் மனதையும் புண்படுத்தியிருந்தால், அதற்காக நான் வருந்தி, மன்னிப்பு கேட்டுக் கொள்கிறேன். ஸ்ரீமந்த சங்கா்தேவா போன்றோரின் சீா்திருத்த முன்னெடுப்புகளால் ஜாதியற்ற சமூகத்தின் சிறந்த அடையாளமாக அஸ்ஸாம் விளங்குகிறது’ எனக் குறிப்பிட்டிருந்தாா்.