ஐ.நா. மனித உரிமை ஆணைய கூட்டம் தொடங்கியது

ஐ.நா. மனித உரிமை ஆணைய கூட்டம் தொடங்கியது. ஐ.நா. மனித உரிமையாளர் தற்போது தனது துவக்க உரையை வாசித்து வருகிறார்.

ஜெனீவாவில் ஐ.நா. மனித உரிமைகள் கவுன்சிலின் 3 வார கூட்டத்தொடர் இன்று(திங்கட்கிழமை) தொடங்கியது.. இந்தக் கூட்டத்தில், இலங்கையின் போர்க் குற்றங்கள் குறித்த ஐ.நா.வின் விசாரணை அறிக்கை தாக்கல் செய்யப்படவுள்ளது.

இலங்கை விவகாரம் தொடர்பாக சர்வதேச விசாரணை தேவை என்று கூறி வந்த அமெரிக்கா, தனது நிலைப்பாட்டை மாற்றிக்கொண்டு தற்போது உள்நாட்டு விசாரணையே போதுமானது என்று அறிவித்துள்ளது. இதுகுறித்த தீர்மானத்தையும், இந்தக் கூட்டத்தில் அந்த நாடு கொண்டு வர உள்ளது.   அத்துடன் இலங்கை அரசின் பதில் அறிக்கையும் தாக்கல் செய்யப்படுகிறது.

இந்த அறிக்கைகளின் அடிப்படையில்தான் இலங்கையில் நடந்த மனித உரிமைகள் மீறல் தொடர்பாக சர்வதேச நடத்தப்படுமா? அல்லது இலங்கை அரசே இதுபற்றி விசாரணை நடத்திக் கொள்ளலாமா? என்பது குறித்து முடிவு எடுக்கப்படும் என்று தெரிகிறது.