முகப்பு

விவசாய சங்க கூட்டமைப்பினர் சாலை மறியல்: 7 பெண்கள் உள்பட 102 பேர் கைது

காவிரி நடுவர் மன்ற தீர்ப்பின்படி கர்நாடகம் தமிழகத்துக்குரிய தண்ணீரை திறந்து விட வேண்டும்.

9 ஜனவரி 2024, 12:20 pm
பகிர்:

காவிரி நடுவர் மன்ற தீர்ப்பின்படி கர்நாடகம் தமிழகத்துக்குரிய தண்ணீரை திறந்து விட வேண்டும். மத்திய அரசு காவிரி மேலாண்மை வாரியம், காவிரி ஒழுங்காற்று குழு போன்றவற்றை உடனடியாக  அமைக்க வேண்டும்.

தமிழக மக்களின் உரிமைகளைப் பாதுகாக்க தமிழக அரசு போர்க்கால நடவடிக்கை மேற்கொள்ள வேண்டும் என்பன உள்ளிட்டக் கோரிக்கைகளை வலியுறுத்தி, அனைத்து விவசாய சங்கங்களின் கூட்டமைப்பு சார்பில் பட்டுக்கோட்டை மணிக்கூண்டு பகுதியில் செவ்வாய்க்கிழமை சாலை மறியல் நடைபெற்றது. இதில் மாவட்ட விவசாயத் தொழிலாளர் சங்கச் செயலர் சி. பக்கிரிசாமி தலைமையில் சாலை மறியலில் ஈடுபட்ட 3 பெண்கள் உள்பட 14 பேர் கைது செய்யப்பட்டனர்.

இதேபோல துவரங்குறிச்சியில் ஏ. கோவிந்தசாமி (மார்க்சிஸ்ட் கம்யூனிஸ்ட்) தலைமையில் 11 பேர், கரம்பயத்தில் கலியபெருமாள் (இந்திய கம்யூனிஸ்ட்) தலைமையில் 17 பேர் சாலை மறியலில் ஈடுபட்டு கைதாயினர்.

Advertisement

Advertisement

மதுக்கூரில் விவசாய சங்க ஒன்றியச் செயலர் வேதாசலம் தலைமையில் 38 பேரும், அதிராம்பட்டினத்தில் விவசாய சங்க ஒன்றியப் பொருளாளர் பன்னீர்செல்வம் தலைமையில் 4 பெண்கள் உள்பட 22 பேரும் சாலை மறியலில் பங்கேற்று கைதாயினர்.

தினமணி செய்திமடலைப் பெற... Newsletter

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.