ராமேசுவரம் தங்கச்சிமடத்தில் கைப்பற்றப்பட்ட ஆயுதக் குவியல் ஆய்வு

ராமேசுவரம் தங்கச்சிமடத்தில் கைப்பற்றப்பட்ட ஆயுதக் குவியல் குறித்து போலீஸார் ஆய்வு செய்து வருகின்றனர்.

ராமநாதபுரம் மாவட்டம் ராமேசுவரத்தில் வீட்டு உபயோகத்திற்கு கழிவுநீர் தொட்டி தோண்டும்போது தமிழ்க் குழுக்கள் ( டெலோ அமைப்பு) பயன்படுத்திய ஆயுதங்கள் குவியல் குவியலாக திங்கள்கிழமை கண்டெடுக்கப்பட்டன. இதில் 10 ஆயிரம் துப்பாக்கி தோட்டாக்கள், 400 ராக்கெட் லாஞ்சர்கள், 15 பாக்ஸ் கையெறி குண்டுகள், 5 கண்ணிவெடிகள், 4 பெட்டிகள் நிறைய கடல் தண்ணீர் பட்டவுடன் வெடிக்கும் குண்டுகள் என ஏராளமான ஆயுதங்கள் தோண்டி எடுக்கப்பட்டன. தோண்டத் தோண்ட குவியல் குவியலாக கிடைத்த ஆயுதங்கள் குறித்து வெடுகுண்டு நிபுணர்கள் மற்றும் போலீஸார் ஆய்வு செய்து வருகின்றனர்.

கைப்பற்றப்பட்டுள்ள ஆயுதங்கள் சுமார் 32 ஆண்டுகளுக்கு முன்பு பயன்படுத்தப்பட்டது என தெரியவந்துள்ளது.