பள்ளி மாணவிக்கு பாலியல் தொந்தரவு கொடுத்த ஆசிரியருக்கு ஜாமீன் வழங்க மறுப்பு

பள்ளி மாணவிக்கு பாலியல் தொந்தரவு கொடுத்த ஆசிரியருக்கு ஜாமீன் வழங்க கோரி தாக்கல் செய்யப்பட்ட மனுவை உயா்நீதிமன்றம் தள்ளுபடி செய்துள்ளது.

 புதுச்சேரி மாநிலம் காரைக்கால் அரசு பள்ளி அறிவியல் ஆசிரியா் சிவநேசன். இவா் அதே பள்ளியில் பயிலும் ஆறறாம் வகுப்பு மாணவிக்கு பாலியல் தொந்தரவு கொடுத்துள்ளார். 

இதுகுறித்து அளிக்கப்பட்ட புகாரின் அடிப்படையில் வழக்குப்பதிவு செய்த போலீஸார், சிவநேசனை கைது செய்து சிறையில் அடைத்தனா். இந்த வழக்கை விசாரித்த புதுச்சேரி அமா்வு நீதிமன்றறம் சிவநேசனுக்கு 10 ஆண்டு சிறை தண்டனையும், ரூ.5 ஆயிரம் அபராதமும் விதித்து தீா்ப்பளித்தது. 

இந்த தண்டனையை நிறுத்தி வைக்கவும், இந்த வழக்கில் தனக்கு இடைக்கால ஜாமீன் வழங்க கோரி சிவநேசன் சென்னை உயா்நீதிமன்றத்தில் மேல்முறைறயீட்டு மனுக்களை தாக்கல் செய்தார். 

இந்த மனுக்கள் நீதிபதி ஆா்.எம்.டி.டீக்காராமன் முன் விசாரணைக்கு வந்தது. வழக்கை விசாரித்த நீதிபதி, மாணவா்களுக்கு கல்வியை மட்டுமின்றி கல்வியுடன் ஒழுக்கத்தையும் போதிப்பவரே ஆசிரியா். அந்த ஆசிரியா்களின் மாணவா்களுக்கு முன்மாதிரியாக இருக்க வேண்டும். எனவே இந்த வழக்கைப் பொருத்தவரை ஆசிரியா் சிவநேசனுக்கு கீழமை நீதிமன்றம் விதித்த தண்டனையை நிறுத்த வைக்க முடியாது எனக்கூறி மேல்முறையீட்டு மனுக்களை தள்ளுபடி செய்து உத்தரவிட்டார்.