சென்னை: சென்னையில் ஆபரணத் தங்கத்தின் விலை வெள்ளிக்கிழமை பவுனுக்கு ரூ.240 உயா்ந்து ரூ.51,680-க்கு விற்பனையான நிலையில், சனிக்கிழமை பவுனுக்கு ரூ.80 குறைந்து ரூ.51,600-க்கு விற்பனையாகிறது.

மத்திய பட்ஜெட்டுக்கு பிறகு சிலநாள்கள் விலை குறைந்து வந்த தங்கம், மீண்டும் உயா்ந்து வருகிறது. வியாழக்கிழமை பவுனுக்கு ரூ.80 உயா்ந்து ரூ.51,440-க்கும், வெள்ளிக்கிழமை கிராமுக்கு ரூ.30 உயா்ந்து ரூ.6,460-க்கும், பவுனுக்கு ரூ.240 உயா்ந்து ரூ.51,680-க்கும் விற்பனையானது.

இந்த நிலையில், சனிக்கிழமை தங்கம் விலை குறைந்துள்ளது. அதன்படி, கிராமுக்கு ரூ.10 குறைந்து ரூ.6,450-க்கும், பவுனுக்கு ரூ.80 குறைந்து ரூ.51,600-க்கும் விற்பனையாகி வருகிறது.

இதேபோன்று வெள்ளி விலை கிராமுக்கு ரூ.1 குறைந்து ரூ. 90-க்கும், ஒரு கிலோ (கட்டி வெள்ளி) ரூ. 90,000-க்கும் விற்பனையாகி வருகிறது.