நடிகர் விஜய் நடிப்பில் உருவாகியுள்ள விஜய் 69 படத்தின் பெயரை படக்குழுவினர் அறிவித்துள்ளனர்.

விஜய் நடிப்பில் உருவாகும் 69-வது படத்தினை எச். வினோத் இயக்குகிறார். இதுதான் விஜய்யின் கடைசி படம் என்பதால் மிகுந்த எதிர்பார்ப்புகளுக்கு மத்தியில் இப்படம் உருவாகி வருகிறது.

நடிகர்கள் பாபி தியோல், பூஜா ஹெக்டே, மமிதா பைஜூ, கௌதம் வாசுதேவ மேனன், நரேன், பிரியாமணி, பிரகாஷ் ராஜ் ஆகியோர் பிரதான கதாபாத்திரங்களில் நடிக்கின்றனர்.

இப்படத்துக்கு அனிருத் இசையமைக்கிறார். இப்படத்தை வெங்கட் கே நாரயணா தயாரிக்கிறார்.

இதையும் படிக்க: ‘3 தசாப்தங்களுக்குப் பின் இருவர்...’: பிரகாஷ் ராஜ்!

இப்படம் நடிகர் பாலகிருஷ்ணா நடித்த பகவந்த் கேசரி படத்தின் ரீமேக் என்றும் கூறப்படுகிறது.

இந்த நிலையில், விஜய் 69-வது படத்தின் பெயர் ’ஜன நாயகன்’ என்று அறிவிக்கப்பட்டுள்ளது.

மேலும், ஜனநாயகன் படத்தின் முதல் பார்வை போஸ்டரை படக்குழு வெளியிட்டுள்ளது. தற்போது இந்தப் போஸ்டர் இணையத்தில் வைரலாகி வருகிறது.

நடிகர் விஜய் தமிழக வெற்றிக் கழகம் என்ற அரசியல் என்ற அரசியல் கட்சி தொடங்கியவுடன், சினிமாவை விட்டு விலகுவதாக அறிவித்திருந்தது குறிப்பிடத்தக்கது.