வரதராஜ பெருமாள் கோயிலில் ஸ்ரீரங்கம் ஸ்ரீமத் ஆண்டவன் சுவாமிகள்

காஞ்சிபுரம் ஸ்ரீ வரதராஜபெருமாள் கோயிலில் ஸ்ரீரங்கம் ஸ்ரீமத் ஆண்டவன் சுவாமிகள் சனிக்கிழமை சிறப்பு தரிசனம் செய்தார்.

காஞ்சிபுரம் ஸ்ரீவரதராஜபெருமாள் கோயிலுக்கு ஸ்ரீரங்கம் ஸ்ரீமத் ஆண்டவன் சுவாமிகள் கடந்த 15 ஆண்டுகளுக்கு முன் தமது சதாபிஷேகத்தின்போது வருகை புரிந்தார். இந்த நிலையில் சனிக்கிழமை வரதராஜபெருமாள் கோயிலுக்கு வந்த ஸ்ரீமத் ஆண்டவன் சுவாமிகளுக்கு கோயில் சார்பில் பூர்ணகும்ப மரியாதை அளிக்கப்பட்டது. இதைத் தொடர்ந்து பெருந்தேவி தாயாரை வணங்கினார். தொடர்ந்து வரதராஜ பெருமாளின் மங்களாசாசனம் கண்டருளினார். இதைத் தொடர்ந்து நரசிம்மர் சன்னதி உள்ளிட்ட சன்னதிகளில் வழிபாடு செய்தார். அங்கு கோயில் நிர்வாக அலுவலர் தியாகராஜன் உள்பட பலர் இருந்தனர்.