முகப்பு

முதல் டி20: பெத் மூனி அதிரடி; இங்கிலாந்துக்கு 199 ரன்கள் இலக்கு!

இங்கிலாந்துக்கு எதிரான முதல் டி20 போட்டியில் பெத் மூனியின் அதிரடியான ஆட்டத்தால் ஆஸ்திரேலிய அணி 7 விக்கெட்டுகளை இழந்து 198 ரன்கள் எடுத்துள்ளது.

20 ஜனவரி 2025, 4:06 pm
முதல் டி20: பெத் மூனி அதிரடி; இங்கிலாந்துக்கு 199 ரன்கள் இலக்கு!
பெத் மூனி - படம் | ஐசிசி
பகிர்:

இங்கிலாந்துக்கு எதிரான முதல் டி20 போட்டியில் பெத் மூனியின் அதிரடியான ஆட்டத்தால் ஆஸ்திரேலிய அணி 7 விக்கெட்டுகளை இழந்து 198 ரன்கள் எடுத்துள்ளது.

ஆஸ்திரேலியா மற்றும் இங்கிலாந்து அணிகளுக்கு இடையிலான முதல் டி20 போட்டி இன்று (ஜனவரி 20) சிட்னியில் நடைபெற்று வருகிறது. இந்தப் போட்டியில் டாஸ் வென்ற இங்கிலாந்து அணி பந்துவீச்சைத் தேர்வு செய்ய, ஆஸ்திரேலியா முதலில் விளையாடியது.

பெத் மூனி அதிரடி

Advertisement

Advertisement

ஆஸ்திரேலிய அணியின் தொடக்க வீராங்கனைகளாக பெத் மூனி மற்றும் ஜியார்ஜியா இருவரும் களமிறங்கினர். இந்த இணை ஆஸ்திரேலிய அணிக்கு நல்ல தொடக்கத்தைத் தந்தது. இருப்பினும், ஜியார்ஜியா 21 ரன்களில் ஆட்டமிழந்தார். அதன் பின், பெத் மூனியுடன் ஜோடி சேர்ந்த ஃபோப் லிட்ச்ஃபீல்டு சிறிது நேரம் களத்தில் நீடித்தார். அவர் 20 பந்துகளில் 25 ரன்கள் எடுத்து ரன் அவுட் ஆனார். தொடக்கம் முதலே அதிரடியான ஆட்டத்தை வெளிப்படுத்திய பெத் மூனி அரைசதம் கடந்து அசத்தினார். அவர் 51 பந்துகளில் 75 ரன்கள் எடுத்தார். அதில் 11 பவுண்டரிகள் அடங்கும்.

பெத் மூனியுடன் இணைந்து விளையாடிய கேப்டன் தஹிலா மெக்ராத் அதிரடியாக 9 பந்துகளில் 26 ரன்கள் குவித்தார். அதில் 4 பவுண்டரிகள் மற்றும் ஒரு சிக்ஸர் அடங்கும். இறுதியில், ஆஸ்திரேலிய அணி நிர்ணயிக்கப்பட்ட 20 ஓவர்களின் முடிவில் 7 விக்கெட்டுகளை இழந்து 198 ரன்கள் எடுத்தது.

இங்கிலாந்து தரப்பில் லாரென் பெல், சோஃபி எக்கல்ஸ்டோன் தலா 2 விக்கெட்டுகளைக் கைப்பற்றினர். ஃப்ரேயா கெம்ப் மற்றும் சார்லி டீன் தலா ஒரு விக்கெட்டினைக் கைப்பற்றினர்.

199 ரன்கள் எடுத்தால் வெற்றி என்ற இலக்கை நோக்கி இங்கிலாந்து அணி விளையாடி வருகிறது.

தினமணி செய்திமடலைப் பெற... Newsletter

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.