மேற்கிந்தியத் தீவுகளின் தேர்வுக்குழுத் தலைவராக முன்னாள் வீரர் டெஸ்மண்ட் ஹெய்ன்ஸ் தேர்வாகியுள்ளார்.

65 வயது ஹெய்ன்ஸ், மே.இ. தீவுகள் அணிக்காக 1978 முதல் 1994 வரை 116 டெஸ்டுகள், 238 ஒருநாள் ஆட்டங்களில் விளையாடியுள்ளார். டெஸ்டில் 18 சதங்களும் ஒருநாள் கிரிக்கெட்டில் 17 சதங்களும் அடித்து 80களில் பிரபல வீரராகத் திகழ்ந்தார். சர்வதேச கிரிக்கெட்டில் 15,000க்கும் அதிகமான ரன்களை எடுத்துள்ளார்.

மே.இ. தீவுகள் அணியின் தேர்வுக்குழுத் தலைவராக இருந்த ரோஜர் ஹார்ப்பரின் ஒப்பந்தம் கடந்த வருடத்துடன் முடிவடைந்தது. இந்நிலையில் டெஸ்மண்ட் ஹெய்ன்ஸ், புதிய தேர்வுக்குழுத் தலைவராகத் தேர்வு செய்யப்பட்டுள்ளார். ஜூன் 2024 வரை அப்பதவியில் நீடித்து இரு டி20 உலகக் கோப்பைகள், ஒரு 50 ஓவர் உலகக் கோப்பைப் போட்டிகளுக்கு மே.இ. தீவுகள் அணியைத் தேர்வு செய்யும் பொறுப்பு அவருக்கு வழங்கப்பட்டுள்ளது.