2023 ஆம் ஆண்டின் ஐசிசி ஆடவர் டி20 அணி அறிவிப்பு: சூர்யகுமார் கேப்டன்!

2023 ஆம் ஆண்டின் ஐசிசி ஆடவர் டி20 அணியை ஐசிசி இன்று (ஜனவரி 22) அறிவித்துள்ளது. 

கடந்த ஆண்டு முழுவதும் பேட்டிங் மற்றும் பந்துவீச்சில் சிறப்பாக செயல்பட்ட 11 வீரர்களை தேர்வு செய்து ஐசிசி டி20  அணி இன்று அறிவிக்கப்பட்டுள்ளது. 2023 ஆம் ஆண்டின் ஐசிசி டி20 அணிக்கு சூர்யகுமார் யாதவ் கேப்டனாக தேர்ந்தெடுக்கப்பட்டுள்ளார்.

இந்த அணியில் மேலும் 3 இந்திய வீரர்கள் இடம்பெற்றுள்ளனர். இந்திய அணியின் தொடக்க ஆட்டக்காரர் யஷஸ்வி ஜெய்ஸ்வால், சுழற்பந்துவீச்சாளர் ரவி பிஸ்னோய் மற்றும் வேகப் பந்துவீச்சாளர் அர்ஷ்தீப் சிங் ஆகியோர் இடம்பெற்றுள்ளனர். 

2023 ஆம் ஆண்டின் ஐசிசி ஆடவர் டி20 அணி விவரம் 

யஷஸ்வி ஜெய்ஸ்வால், பில் சால்ட், நிக்கோலஸ் பூரன் (விக்கெட் கீப்பர்), சூர்யகுமார் யாதவ் (கேப்டன்), மார்க் சேப்மேன், சிக்கந்தர் ராஸா, அல்பேஷ் ரம்ஜானி, மார்க் அடாய்ர், ரவி பிஸ்னோய், ரிச்சர்ட் நிகராவா மற்றும் அர்ஷ்தீப் சிங்.