2 கோல்கள் அடித்த ரொனால்டோ: சௌதி லீக்கில் அல்-நசீர் முன்னேற்றம்!
சௌதி லீக் கால்பந்து தொடரில் ரொனால்டோ 2 கோல்கள் அடித்து அசத்தினார்.
சௌதி புரோ லீக் கால்பந்து தொடரில் அல்-நசீர் அணிக்காக பிரபல கால்பந்து வீரர் கிறிஸ்டியானோ ரொனால்டோ 2 கோல்கள் அடித்து அசத்தினார்.
சௌதி புரோ லீக் கால்பந்து தொடரில் அல்-நசீர் தனது 26ஆவது போட்டியில் அல்-ஹிலால் உடன் மோதியது.
இந்தப் போட்டியில் முதல்பாதி கூடுதல் நேரத்தில் அல்-நசீர் அணிக்காக அலி அஜ்ஹாசன் கோல் அடித்தார்.
Advertisement
Advertisement
அடுத்த பாதியில் அல்-ஹிலால் வீரர் அலி அல்புலையாஹி 62ஆவது நிமிஷத்தில் கோல் அடித்தார்.
அல்-நசீர் அணியின் நட்சத்திர வீரர் கிறிஸ்டியானோ ரொனால்டோ 47, 88 (பெனால்டி) ஆவது நிமிஷங்களில் கோல் அடித்து அசத்தினார்.
இதன் மூலம் அல்-நசீர் அணி 3-1 என்ற கோல்கள் வித்தியாசத்தில் வெற்றி பெற்றது.
சௌதி புரோ லீக் தொடரின் புள்ளிப் பட்டியலில் அல்-நசீர் 54 புள்ளிகளுடன் 3ஆவது இடத்தில் இருக்கிறது.
59 சதவிகித பந்தினை அல்-ஹிலால் வைத்திருந்தது. அத்துடன் 81 சதவிகிதம் துல்லியமாக பாஸ் செய்தும் தோல்வியுற்றது.
குறிப்பாக அல்-ஹிலால் இலக்கை நோக்கி பந்தினை 3 முறை மட்டுமே அடித்தனர். ஆனால், அல்-நசீர் இலக்கை நோக்கி 8 முறை பந்தினை அடித்தது குறிப்பிடத்தக்கது.
சௌதி புரோ லீக் புள்ளிப் பட்டியல்
1. அல்-இத்திஹாத் - 25 போட்டிகள் - 61 புள்ளிகள்
2. அல்-ஹிலால் - 26 போட்டிகள் - 57 புள்ளிகள்
3. அல்-நசீர் - 26 போட்டிகள் - 54 புள்ளிகள்
4. அல்-காதீஷியா - 25 போட்டிகள் - 51 புள்ளிகள்
5. அல்-அஹ்லி சௌதி - 25 போட்டிகள் - 48 புள்ளிகள்
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
கருத்துகள்
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.