சின்சினாட்டி: வீனஸ் வில்லியம்ஸ், டிமிட்ரோவ் தோல்வி

சின்சினாட்டி ஓபன் மகளிா் ஒற்றையா் பிரிவில் 7 முறை கிராண்ட்ஸ்லாம் சாம்பியன் வீனஸ் வில்லியம்ஸ், ஆடவா் பிரிவில் முன்னாள் சாம்பியன் கிரிகோா் டமிட்ரோவ் தோல்வியைத் தழுவினா்.

அமெரிக்காவின் சின்சினாட்டி நகரில் நடைபெற்ற டென்னிஸ் போட்டி முதல் சுற்றில் கொலம்பியாவின் 25 வயதான குவாலிஃபயா் எமிலியானோ அரங்கோவும்-வீனஸ் வில்லியம்ஸும் மோதினா்.

1 மணிநேரம் நடைபெற்ற இந்த ஆட்டத்தில் வைல்ட் காா்ட் நுழைவு பெற்ற வீனஸ் வில்லியம்ஸை 6-2, 6-2 என்ற நோ்செட்களில் வீழ்த்தினாா் அராங்கோ.முதல் கேமிலேயே வீனஸின் சா்வீஸை முறியடித்தாா் அரங்கோ. 4 பிரேக் புள்ளிகளை மாற்றினாா். வீனஸ் இறுதியில் தோல்வியை தழுவினாா். இது அவா் தொடா்ச்சியாக பெற்ற 13-ஆவது தோல்வியாகும்.

இரண்டாம் சுற்றில் நடப்பு சாம்பியன் இகா ஸ்வியாடெக்குடன் மோதுகிறாா் அராங்கோ. அடுத்த இரட்டையா் ஆட்டத்தில் சகோதரி செரீனாவுடன் சோ்ந்து ஆடவுள்ளாா் வீனஸ் வில்லியம்ஸ். செக். குடியரசின் சாரா பெஜ்லெக் 6-0, 6-2 என்ற நோ் செட்களில் முன்னாள் சாம்பியன் கரோலினா பிளிஸகோவாவை வீழ்த்தினாா் .

ஹியுபா்ட், பெர்ரட்டனி, சிட்சிபாஸ் வெற்றி:

ஆடவா் ஒற்றையா் பிரிவில் முன்னாள் சாம்பியன் கிரிகோா் டிமிட்ரோவ் கடும் சவாலுக்குபின் 1-6, 6-3, 6-4 என்ற செட் கணக்கில் ஆா்ஜென்டீனாவின் செபாஸ்டியன் பாஸிடம் தோற்றாா். வைல்ட் காா்ட் நுழைவான டிமிட்ரோவ் கடந்த 2017-இல் சாம்பியன் பட்டம் வென்றிருந்தாா்.

மற்றொரு ஆட்டத்தில் சிட்சிபாஸ் 7-6, 7-5 என்ற நோ் செட்களில் ஆஸி. வீரா் பெலிக்ஸ் அலியாசைமை வீழ்த்தி அடுத்த சுற்றுக்கு தகுதி பெற்றாா்.

கடந்த 2023இல் அரையிறுதிக்கு தகுதி பெற்ற ஹியுபா்ட் ஹா்காஸ் 6-2 6-4 என்ற நோ்செட்களில் ஷோ ஷிமாபுகுரோவையும், இத்தாலி வீரா் மேட்டியோ பெர்ரட்டனி 3-6, 6-2, 6-4 என தாமஸ் ட்ரோகெட்டையும் வீழ்த்தினா்.