ஸ்வெரெவ், அல்கராஸ் வெற்றி

சீனா ஓபன் டென்னிஸ் போட்டியில் முன்னணி வீரரான ஜொ்மனியின் அலெக்ஸாண்டா் ஸ்வெரெவ், ஜப்பான் ஓபனில் ஸ்பெயினின் காா்லோஸ் அல்கராஸ் ஆகியோா் 2-ஆவது சுற்றுக்கு வியாழக்கிழமை முன்னேறினா்.

சீனா ஓபன் ஆடவா் ஒற்றையா் முதல் சுற்றில், போட்டித்தரவரிசையில் முதலிடத்தில் இருக்கும் ஸ்வெரெவ் 7-6 (7/1), 6-4 என்ற செட்களில், பிரிட்டனின் கேமரூன் நோரியை வென்றாா். 5-ஆம் இடத்திலிருக்கும் ஆஸ்திரேலியாவின் அலெக்ஸ் டி மினாா் 7-6 (7/4), 6-2 என்ற வகையில் ஆா்ஜென்டீனாவின் மரியோன் நவோனை வீழ்த்தினாா்.

4-ஆம் இடத்திலிருந்த இத்தாலியின் ஃப்ளாவியோ கோபோலி 3-6, 2-6 என ரஷியாவின் ரோமன் சஃபியுலினிடம் அதிா்ச்சித் தோல்வி கண்டாா். 8-ஆம் இடத்திலிருக்கும் செக் குடியரசின் ஜேக்கப் மென்சிக் 6-4, 7-6 (7/5) என்ற செட்களில் கஜகஸ்தானின் அலெக்ஸாண்டா் பப்லிக்கை வெளியேற்றினாா்.

மகளிா்: இதிலேயே மகளிா் பிரிவில், ஸ்பெயினின் பௌலா பதோசா, செக் குடியரசின் கேத்தரினா சினியகோவா ஆகியோா் 2-ஆவது சுற்றுக்கு முன்னேற, போலந்தின் மெக்தா லினெட், அமெரிக்காவின் சோஃபியா கெனின் ஆகியோா் முதல் சுற்றிலேயே தோல்வியுற்றனா்.

ஜப்பான் ஓபன்: ஜப்பானில் நடைபெறும் ஆடவருக்கான ஓபன் டென்னிஸ் போட்டியில், முன்னணி வீரரான ஸ்பெயினின் காா்லோஸ் அல்கராஸ் 7-6 (7/1), 4-6, 6-1 என்ற வகையில், அமெரிக்காவின் அலெக்ஸ் மிஷெல்செனை வென்றாா்.

3-ஆம் இடத்திலிருந்த அமெரிக்காவின் டெய்லா் ஃப்ரிட்ஸ், 5-ஆம் இடத்திலிருந்த அமெரிக்காவின் பிராண்டன் நகாஷிமா, 6-ஆம் இடத்திலிருந்த நாா்வேயின் கேஸ்பா் ரூட், 4-ஆம் இடத்திலிருந்த ஸ்பெயினின் ரஃபேல் ஜோடாா் ஆகியோா் முதல் சுற்றிலேயே அதிா்ச்சித் தோல்வி கண்டனா்.