நிவாரண அறிவிப்பு

சட்டப்பேரவையில் வருவாய்த் துறை மானியக் கோரிக்கை மீது திங்கள்கிழமை நடைபெற்ற விவாதங்களுக்குப் பதிலளித்த போது வருவாய்த் துறை அமைச்சர் ஆர்.பி.உதயகுமார் வெளியிட்ட அறிவிப்பு:
 மணல், அரிசி கடத்தல், கேபிள் டி.வி. முறைகேடுகள் ஆகிய சட்ட விரோதமான செயல்களைத் தடுக்கும்போது சமூக விரோதிகளால் உயிரிழக்கும் வருவாய்த் துறை அலுவலர்களின் குடும்பங்களுக்கு ரூ. 5 லட்சம் நிவாரணம் வழங்கப்படும்.
 சில குறிப்பிட்ட தொழிலில் ஈடுபடுவோரின் குடும்பத்தில் பொருள் ஈட்டுவோர் எவரேனும் இறக்க நேரிட்டால், அந்தக் குடும்பத்துக்கு இப்போது வழங்கப்பட்டு வரும் நிவாரணத் தொகை ரூ. 15 ஆயிரத்தில் இருந்து ரூ. 20 ஆயிரமாக உயர்த்தி வழங்கப்படும்.