மண்டபம் மீனவர்கள் 4 பேர் விடுதலை

இலங்கைக் கடற்படையினரால் கைது செய்யப்பட்டு சிறையில் அடைக்கப்பட்ட மண்டபம் மீனவர்கள் 4 பேரை விடுவித்து, இலங்கை ஊர்க் காவல் துறை நீதிமன்றம் திங்கள்கிழமை உத்தரவிட்டது.
 மண்டபம் பகுதியில் இருந்து ஆகஸ்ட்
 31-ஆம் தேதி கடலுக்கு மீன்பிடிக்கச் சென்ற மைக்கேல், சூசைராஜ், நெப்போலியன், கெவியோன் ஆகிய 4 மீனவர்களை, இலங்கைக் கடற்படையினர் நடுக்கடலில் கைது செய்து இலங்கை ஊர்க் காவல் துறை நீதிமன்றத்தில் ஆஜர்படுத்தினர். 4 மீனவர்களும் யாழ்ப்பாணம் சிறையில் அடைக்கப்பட்டனர்.
 இந்த நிலையில், இலங்கை பிரதமர் ரணில் விக்ரமசிங்கேயின் இந்திய வருகையை முன்னிட்டு, இலங்கை சிறையில் அடைக்கப்பட்டுள்ள தமிழக மீனவர்களை நல்லெண்ண அடிப்படையில் விடுவிக்க, நீதிமன்றத்துக்கு அந்த நாட்டு அரசு பரிந்துரைத்தது.
 அதனடிப்படையில் திங்கள்கிழமை ஊர்க் காவல் நீதிமன்றத்தில் ஆஜர்படுத்தப்பட்ட மண்டபம் பகுதி மீனவர்கள் 4 பேரையும் விடுவித்து நீதிபதி உத்தரவிட்டார்.