50 ஆயிரம் இடங்களில் விநாயகர் சிலை அமைக்க இந்து முன்னணி ஏற்பாடு

விநாயகர் சதுர்த்தியை முன்னிட்டு, தமிழகம் முழுவதும் 50 ஆயிரம் இடங்களில் விநாயகர் சிலைகளை அமைக்க உள்ளதாக, இந்து முன்னணி மாநில அமைப்பாளர் பக்தவத்சலம் தெரிவித்தார்.
 இதுகுறித்து அவர் கூறியது: சென்னை உள்பட தமிழகம் முழுவதும் 50 ஆயிரம் விநாயகர் சிலைகள் அமைக்க ஏற்பாடு செய்யப்பட்டுள்ளது. இதில், பொதுக் கூட்டங்கள், விநாயகர் விசர்ஜன ஊர்வலம் ஆகியவை 250 இடங்களில் நடைபெற உள்ளன.
 மேலும், தீண்டாமை, பயங்கரவாதம் ஆகியவற்றை அகற்ற சமுதாய நல்லிணக்க நாள், குழந்தைகள் தினம், மகளிர் தினம் உள்ளிட்ட 3 நாள்களில் விழிப்புணர்வு நிகழ்ச்சிகள் நடத்தப்பட உள்ளன. இதேபோல், விநாயகர் சதுர்த்தி ஊர்வலத்தில் தமிழ்வழிக் கல்வியை தொடக்கப் பள்ளிகளில் கட்டாயமாக்க அரசை வலியுறுத்த உள்ளோம் என்றார்.