திருச்சி பெல் நிறுவனத்துக்கு 5 தேசிய விருதுகள்

இந்திய அரசின் பாதுகாப்புக்கான 5 தேசிய விருதுகளை திருச்சி பெல் நிறுவனம் வென்றுள்ளது.

மனிதவள மேம்பாட்டு மையத்தின் உற்பத்தி ஆலை, மிக நீண்ட விபத்துகள் அற்ற காலகட்டத்தில் செயல்பட்டது, மிகக் குறைவான விபத்து சராசரிக்காகவும், ஆண்டுக்கு

10 லட்சம் மனித நேரம் வரை செயல்படும் ஆலைகள் பிரிவில் இரண்டு விருதுகளை வென்றுள்ளது.

மேலும் இணைப்பில்லா எஃகுக் குழாய் ஆலை மிக நீண்ட விபத்துகள் அற்ற காலகட்டத்திற்காக 10 லட்சத்துக்கும் கூடுதலான மனித நேரத்துடன் செயல்படும் ஆலைகள் பிரிவில் இரண்டாம் இடம் பெற்றது.

ஒரு கேடயமும் சான்றிதழும் கொண்ட இந்த விருதுகளை இணைப்பில்லா எஃகு குழாய் சார்பில் பொது மேலாளர் பு. ஜெயபிரகாசும், மனிதவள மேம்பாட்டு மையத்தின் சார்பில் துணைப் பொதுமேலாளர் பி.பி.துரைசாமியும், ஆற்றல் அமைப்புகள் குழுவின் சார்பில் துணைப் பொது மேலாளர் மு. முத்துகுமார்ரும் தில்லியில் அண்மையில் நடைபெற்ற விழாவில், மத்திய அமைச்சர் பண்டாரு தத்தாத்ரேயாவிடமிருந்து பெற்றுக் கொண்டனர்.