கருணாநிதியின் உடல்நிலையில் சற்று பின்னடைவு: மருத்துவமனைக்கு வந்தார் தயாளு அம்மாள்

சென்னை: திமுக தலைவர் கருணாநிதியின் உடல்நிலையில் திடீரென சற்று பின்னடைவு ஏற்பட்டதை அடுத்து தீவிர சிகிச்சை அளிக்கப்பட்டு வருகிறது.

இன்று காலை முதலே கருணாநிதியின் குடும்பத்தினர் ஒருவர் பின் ஒருவராக அவர் சிகிச்சை பெற்று வரும் தனியார் மருத்துவமனைக்கு வந்த வண்ணம் இருந்தனர்.

இந்த நிலையில், கருணாநிதியின் உடல்நிலையில் இன்று காலை திடீரென சற்று பின்னடைவு ஏற்பட்டதாகவும் தற்போது தீவிர சிகிச்சை அளிக்கப்பட்டு வருவதாகவும் செய்திகள் தெரிவிக்கின்றன. 

இதற்கிடையே மருத்துவமனையில் அனுமதிக்கப்பட்டு 10 நாட்களாகும் நிலையில், அவரது மனைவி தயாளு அம்மாள் முதல் முறையாக இன்று மருத்துவமனைக்கு அழைத்து வரப்பட்டார்.

கருணாநிதி பயன்படுத்திய காரில் தயாளு அம்மாளை மகன் தமிழரசு மருத்துவமனைக்கு அழைத்து வந்துள்ளார்.