இங்கிலீஷ் விங்கிலீஷ்' பட நடிகை மரணம்

இங்கிலீஷ் விங்கிலீஷ்' படத்தில் ஸ்ரீதேவியுடன் இணைந்து நடித்த சுஜாதா குமார்(54), புற்றுநோய் காரணமாக ஞாயிற்றுக்கிழமை இரவு மரணமடைந்தார்.
புற்றுநோயால் பாதிக்கப்பட்டு சிகிச்சை பெற்று வந்த சுஜாதா குமாரின் உடல்நிலை கவலைக்கிடமானதைத் தொடர்ந்து மருத்துவமனையில் அனுமதிக்கப்பட்டார். இந்நிலையில், மிகவும் உடல்நலம் குன்றிய அவர், ஞாயிற்றுக்கிழமை இரவு சிகிச்சை பலனின்றி மருத்துவமனையில் உயிரிழந்தார்', என்று சுஜாதாவின் தங்கையும், நடிகையுமான சுசித்ரா கிருஷ்ணமூர்த்தி சுட்டுரையில் பதிவிட்டார்.
சுஜாதா குமார், தனுஷ் நடித்த ராஞ்சனா' உள்ளிட்ட படங்களிலும், பல்வேறு தொலைக்காட்சி நிகழ்ச்சிகளிலும், விளம்பரப் படங்களிலும் நடித்துள்ளார் என்பது குறிப்பிடத்தக்கது.