நிர்மலா தேவி விவகாரம்: முருகனின் ஜாமீன் மனு மீதான விசாரணை மீண்டும் ஒத்திவைப்பு

பேராசிரியை நிர்மாலா தேவி விவகாரத்தில் கைதான முருகனின் ஜாமீன் மனு மீதான விசாரணை வரும் 29ஆம் தேதிக்கு ஒத்திவைக்கப்பட்டது.  

மாணவிகளை தவறான பாதைக்கு அழைத்த பேராசிரியை நிர்மலாதேவி விவகாரத்தில், உதவிப்பேராசிரியர் முருகன் அண்மையில் கைது செய்யப்பட்டு சிறையில் அடைக்கப்பட்டார்.

இதையடுத்து அவர் மீது பாலியல் குற்றத்துக்கு தூண்டுதல், குற்றம் செய்ய முயற்சி, தகவல் தொழில் நுட்பத்தை தவறாக பயன்படுத்துதல் ஆகிய பிரிவுகளின் கீழ் வழக்குகள் பதிவு செய்யப்பட்டன. 

இந்நிலையில் உதவிப்பேராசிரியர் முருகன் ஜாமீன் கோரி திருவில்லிபுத்தூர் நீதிமன்றத்தில் மனுதாக்கல் செய்தார். இம்மனு மீதான விசாரணையை வரும் 29ஆம் தேதி ஒத்திவைத்து நீதிமன்றம் உத்தரவிட்டது.