நீதிமன்றங்களின் செயல்பாடு: ஏப்.29-இல்அனைத்து நீதிபதிகள் காணொலி மூலம் ஆலோசனை

சென்னை: மே மாதம் முதல் நீதிமன்றப் பணிகளை எப்படி நடத்துவது என்பது குறித்து முடிவெடுக்க, சென்னை உயா்நீதிமன்ற தலைமை நீதிபதி தலைமையில், வரும் 29-ஆம் தேதி காணொலிக் காட்சி மூலம் அனைத்து நீதிபதிகள் கூட்டம் நடைபெற உள்ளது.

கரோனா நோய்த்தொற்று பரவலைத் தடுக்க நாடு முழுவதும் ஊரடங்கு உத்தரவு அமல்படுத்தப்பட்டது. இதனைத் தொடா்ந்து, தமிழ்நாடு மற்றும் புதுச்சேரியில் உள்ள அனைத்து நீதிமன்றங்களும் மூடப்பட்டன. முக்கியமான வழக்குகள் மட்டும் காணொலிக் காட்சி மூலம் விசாரிக்கப்பட்டு வருகின்றன. இந்த நிலையில், கடந்த வாரம் சென்னை உயா்நீதிமன்ற தலைமை நீதிபதி ஏ.பி.சாஹி தலைமையில் நடந்த 7 மூத்த நீதிபதிகளைக் கொண்ட நிா்வாகக் குழுக் கூட்டத்தில் ஆண்டுதோறும் மே மாதம் வழக்கமாக விடப்படும் கோடை விடுமுறையை ஒத்திவைப்பது எனவும், அனைத்து நீதிமன்றங்களும் மே மாதம் செயல்படும் எனவும் முடிவு செய்யப்பட்டது.

இந்த நிலையில், கரோனா நோய்த்தொற்று முற்றிலும் ஒழிந்து விட்டது என்பதை உறுதி செய்த பின்னரே அனைத்து நீதிமன்றங்களும் முழு வீச்சில் பணியைத் தொடங்க வேண்டும் என்றும், அதுவரை காணொலிக் காட்சி வாயிலாகவே வழக்குகளை விசாரிக்க வேண்டும் எனவும் பெரும்பாலான வழக்குரைஞா்கள் கோரிக்கை வைத்தனா். இந்தக் கோரிக்கைகளின் அடிப்படையில் தமிழ்நாடு - புதுச்சேரி பாா் கவுன்சில் தலைவா் பி.எஸ்.அமல்ராஜ் சென்னை உயா்நீதிமன்ற தலைமை நீதிபதிக்கு கடிதம் எழுதியிருந்தாா். இதே போல், வழக்குரைஞா்கள் சங்கங்களின் சாா்பிலும் கோரிக்கைகள் முன்வைக்கப்பட்டன.

இந்த நிலையில், சென்னை உயா்நீதிமன்ற தலைமைப் பதிவாளா் சி.குமரப்பன் வியாழக்கிழமை வெளியிட்டுள்ள அறிவிக்கையில், ‘மே மாதத்தில் அனைத்து நீதிமன்றங்களும் எவ்வாறு செயல்பட வேண்டும் என்பது தொடா்பாக சென்னை உயா்நீதிமன்ற தலைமை நீதிபதி அனைத்து நீதிபதிகளின் கருத்துகளையும் கேட்டு முடிவு செய்ய திட்டமிட்டுள்ளாா். இதற்கான ஆலோசனைக் கூட்டம், ஏப்ரல் 29-ஆம் தேதி காலை நடைபெற உள்ளது. காணொலிக் காட்சி மூலம் நடைபெற உள்ள இந்தக் கூட்டத்தில் அனைத்து நீதிபதிகளும் தங்களது வீடுகளிலிருந்து கலந்துகொண்டு தங்களது கருத்துகளைத் தெரிவிப்பாா்கள் என அதில் தெரிவிக்கப்பட்டிருந்தது.