நீட் தேர்வை அகற்ற தொடர்ந்து போராடி வருகிறோம்: மு.க ஸ்டாலின்

நீட் தேர்வை ரத்து செய்ய போராடி வருகிறோம். அதில் நிச்சயம் வெல்வோம் என்று தமிழக முதல்வர் மு.க. ஸ்டாலின் கூறினார்.

சென்னை கொளத்தூர் தொகுதியில் நலத்திட்ட உதவிகளை வழங்கும் விழாவில் கலந்து கொண்டு தமிழக முதல்வர் மு.க. ஸ்டாலின் பேசினார்.

அவர் கூறியதாவது, நீட் தேர்விலிருந்து தமிழகத்துக்கு விலக்களிக்க வேண்டும் என்று தொடர்ந்து வலியுறுத்தி வருகிறோம். நீட் தேர்வை ரத்து செய்ய போராடி வருகிறோம். அதில் நிச்சயம் வெல்வோம்.

ஆளுங்கட்சியாக இருந்தாலும் சரி, எதிர்க்கட்சியாக இருந்தாலும் சரி, எப்போதுமே உங்களில் ஒருவன் நான். கல்விக்கும், மருத்துவத்துக்கும் அதிக நிதி ஒதுக்கீடு செய்து திட்டங்களை வகுத்து வருகிறோம் என்று முதல்வர் குறிப்பிட்டார்.