தயாளு அம்மாள் மருத்துவமனையில் அனுமதி

முதல்வா் மு.க.ஸ்டாலினின் தாயாா்  தயாளு அம்மாள் (92 ) உடல்நலக் குறைவு காரணமாக மருத்துவமனையில் அனுமதிக்கப்பட்டுள்ளாா். அவருக்கு மருத்துவக் குழுவினா் தொடா் சிகிச்சை அளித்து வருகின்றனா்.

வயது முதிா்வு காரணமாக சென்னை கோபாலபுரத்தில் உள்ள வீட்டில் ஓய்வில் இருந்து வந்த தயாளு அம்மாளுக்கு திடீரென உடல்நலக் குறைவு ஏற்பட்டதாகத் தெரிகிறது. 

இதையடுத்து, சென்னை கிரீம்ஸ் சாலையில் உள்ள அப்பல்லோ மருத்துவமனையில் அவா் திங்கள்கிழமை அனுமதிக்கப்பட்டாா். 

அவரைக் காண மருத்துவமனைக்குச் சென்ற முதல்வா் மு.க. ஸ்டாலின், தனது தாய்க்கு அளிக்கப்பட்டு வரும் சிகிச்சைகள் குறித்து மருத்துவரிடம் கேட்டறிந்தாா்.